Bachpan - Kal and Now

Deewar pe ab nahi dikhai deti vo 3 lakeerein laal eint se khechi hui,
Ab shayad galiyon mai khelna outdated ho gaya hai,

Maidaan mai 8 kadmo ki doori pe rakhi do eintain nazar nahi aati,
Ab shayad sare goal play station mai daage jaatein hai,

Zameen pe koi pitthoo k liye 7 chapte patthar dhoondta dikhai nahi deta,
Ab shayad mobile pe points collect karna 'Status' ho gaya hai,

Shyaam k 5 baje ghanti bajate hue koi bhudiya ke baal nahi lata,
Ab shayad hygienic pizza aur burger zyada paushtik hote hai,

Keechad mai sane, gale mai haath dale vo 2 yaar nazar nahi aate,
Ab shayad keechad ki cheentain phekne walo k naam 'idoit' ho gaye hai,

Bachpan ki naadaan aur rangeen duniya mai koi nahi khota,
Ab shayad khota hai yeh bachpan mobile aur internet ki smart duniya mai.